Leyla Ramazanlı
Bioqrafiya
Erkən Həyat və Təhsil
Leyla Nurəddin qızı Ramazanlı 30 avqust 1988-ci ildə Bakı şəhərində ziyalı ailəsində anadan olmuşdur. O, tanınmış alim, fəlsəfə elmləri doktoru, professor, əməkdar elm xadimi, Böyük Vətən Müharibəsi veteranı və prezident təqaüdçüsü Fərrux Fətulla oğlu Ramazanovun nəvəsidir. Atası Nurəddin Ramazanov Mədəniyyət Nazirliyinin əməkdaşı olmuş və Birinci Qarabağ Müharibəsi dövründə könüllü olaraq cəbhəyə yollanmış, Qubadlı və Laçın istiqamətində gedən döyüşlərdə şəhid olmuşdur.
Leyla orta təhsilini 132-134 nömrəli təhsil kompleksində almış, daha sonra ali təhsilini Azərbaycan Dövlət İqtisad Universitetinin Beynəlxalq İqtisadi Münasibətlər ixtisası üzrə, ikinci ali təhsilini isə Azərbaycan Dövlət Mədəniyyət və İncəsənət Universitetinin Musiqi Sənəti fakültəsində tamamlamışdır.
Sənət Fəaliyyəti
Leyla Ramazanlı 1 iyun – Uşaqların Beynəlxalq Müdafiəsi Günündə Ulu Öndər Heydər Əliyevin qarşısında çıxış etmiş, onun iştirakı ilə keçirilən tədbirlərdə mahnılar ifa etmişdir. Türkiyədə 23 Nisan Çocuk Festivalında iştirak edərək Türkiyə Prezidenti Süleyman Dəmirəllə görüşmüş, fəxri fərmanlarla təltif olunmuşdur.
Kiçik yaşlarından incəsənətə maraq göstərmiş, Tofiq İsmayılov adına Uşaq-Gənclər Yaradiciliq Sarayının “Cücələrim” ansamblında rəqs, piano, rəsm və vokal dərnəklərində iştirak etmişdir. İlk səhnə çıxışı 3 yaşında Heydər Əliyev Sarayında “Cücələrim” mahnısı ilə olub. Ansamblla Fransa, İspaniya, Türkiyə, Almaniya, Braziliya, Kipr, Rusiya və digər ölkələrdə Azərbaycanı təmsil etmişdir.
Musiqi karyerasına 7 yaşında Eldar Mansurovun mahnısını ifa etməklə başlamışdır. Vahid Əziz, Baba Vəziroğlu, Faiq Sücəddinov,Nadir Əzimov, Naile və Hikmət Mirməmmədlilər, Elçin İmanov kimi bəstəkarlarla əməkdaşlıq etmişdir.
Azərbaycan Dövlət Televiziyasında “Sehirli Güzgü”, “Pəncərə” və digər uşaq verilişlərinin aparıcısı olub. Bir çox beynəlxalq festivallarda Azərbaycanı layiqincə təmsil edərək laureat olmuşdur.
Karyerası boyu “İlin müğənnisi”, “Qran-pri” (Heydər Əliyev adına Sarayda “Qələbə” mahnısına görə), “İlin klipi”, “İlin mahnısı” kimi mükafatlara layiq görülmüşdür. 2012-ci ildə Emre Aydınla Buta Palace-da konsert vermişdir.
Sənət Fəaliyyəti
Leyla Ramazanlı 1 iyun – Uşaqların Beynəlxalq Müdafiəsi Günündə Ulu Öndər Heydər Əliyevin qarşısında çıxış etmiş, onun iştirakı ilə keçirilən tədbirlərdə mahnılar ifa etmişdir. Türkiyədə 23 Nisan Çocuk Festivalında iştirak edərək Türkiyə Prezidenti Süleyman Dəmirəllə görüşmüş, fəxri fərmanlarla təltif olunmuşdur.
Kiçik yaşlarından incəsənətə maraq göstərmiş, Tofiq İsmayılov adına Uşaq-Gənclər Yaradiciliq Sarayının “Cücələrim” ansamblında rəqs, piano, rəsm və vokal dərnəklərində iştirak etmişdir. İlk səhnə çıxışı 3 yaşında Heydər Əliyev Sarayında “Cücələrim” mahnısı ilə olub. Ansamblla Fransa, İspaniya, Türkiyə, Almaniya, Braziliya, Kipr, Rusiya və digər ölkələrdə Azərbaycanı təmsil etmişdir.
Musiqi karyerasına 7 yaşında Eldar Mansurovun mahnısını ifa etməklə başlamışdır. Vahid Əziz, Baba Vəziroğlu, Faiq Sücəddinov, Nadir Əzimov, Naile və Hikmət Mirməmmədlilər, Elçin İmanov kimi bəstəkarlarla əməkdaşlıq etmişdir.
Azərbaycan Dövlət Televiziyasında “Sehirli Güzgü”, “Pəncərə” və digər uşaq verilişlərinin aparıcısı olub. Bir çox beynəlxalq festivallarda Azərbaycanı layiqincə təmsil edərək laureat olmuşdur.
Karyerası boyu “İlin müğənnisi”, “Qran-pri” (Heydər Əliyev adına Sarayda “Qələbə” mahnısına görə), “İlin klipi”, “İlin mahnısı” kimi mükafatlara layiq görülmüşdür. 2012-ci ildə Emre Aydınla Buta Palace-da konsert vermişdir.
Peşəkar Karyera və Şəxsi Həyat
Onun haqqında yerli və xarici jurnal və qəzetlərdə məqalələr dərc olunmuşdur. Sənət fəaliyyəti ilə yanaşı, Leyla Ramazanlı mədəniyyət sahəsində fəaliyyət göstərmişdir. O, Tofiq İsmayılov adına Uşaq-Gənclər Yaradiciliq Sarayında bədii rəhbər, Bakı Şəhər Mədəniyyət Baş İdarəsində menecer və Səttar Bəhlulzadə adına Mədəniyyət Sarayında direktor vəzifələrində çalışmışdır, hal-hazırda Sərhəd Xidmətinin Mədəniyyət Mərkəzində çalışır.
O, 2019-cu ildə ailə həyatı qurmuş, bir oğlu və bir qızı var.